بسم الله الرحمن الرحيم
(شبكة هادف إعلامية..™)
تــــقـــــدم
لقاء مع المنشد: عبدالمجيد الفوزان
ــــــــــــــــــــــــــــــــــــــــــــــــــــــــــــــــــــــــــــــــــــ
_ بطاقتك الشخصية ؟ عبد المجيد بن فوزان بن إبراهيم الفوزان, العمر: 17, بصف ثاني ثانوي أدبي .. شاطر.
_ وش نقولك أبو ايش؟ أبو فوزان
_ صالح العريض يقربلك ؟ نعم يقربلي.
_ وش يقربلك صالح العريض؟ من عيال عم الوالدة .
_ وش يقربلك الشيخ العلامة صالح الفوزان؟ ما يقربلي.
_ معك سيارة إذا كان معك ايش نوعها؟ لا معي سيكل ثلاث كفرات والكفر اللي بالوسط منسم.
_ بأي مدرسة تدرس ؟ بمدارس الحضارة الرائعة >>> عشان ينجحوني.
_ليه مااتمشط شعرك عند التلفيزيون ؟ ! المشط منكسر.
_اش تنصح الشباب؟ بأنهم يحرصون على البر بوالديهم ويمشطون شعرهم مثلي!
_ ماهي وجبتك المفضلة؟ مطبق بالعسل ومحشي جزر.
_ ما شعورك وأنت تشوف مطبات ؟ شايل هم المشاهدين يعجبهم أو لا.
_ متى بدأت بالتمثيل ؟ يوم كنت بصف أول متوسط.
_ متى أول ظهور لك في المجد؟ بصف ثاني متوسط .
_ يقربلك اليمني ؟ لا لكني أعتبره أخي الأكبر.
_معك جوال وايش نوعه؟ لا معي بيجر !!!
_ ماهي رياضتك المفضلة ؟ التنس الجوي.
_ مالونك المفضل وأي منظر يعجبك الشروق أم الغروب؟ بني محروق ... الغروب حين يشرق .
_ بأي حي ساكن ؟ بحي الربوة .
_ سمعنا أنك مصاب بمرض السكر هل هذا صحيح ؟ نعم , وأرجو أنكم ماتنسوني من الدعاء.
_ سمعنا أن كل عائلتكم فيها سكر هل هذا صحيح ؟ لا أنا وأخي الأكبر فقط .
_ ليش أول شي بمطبات تبغى جدك بعدين نسيته ؟ ألعب دور الطفل البريء.
_ اش اسم أحمد اللي بمطبات وبأي صف ؟ أحمد الخليفة وبصف ثالث متوسط.
_ ايش هواياتك ؟ جمع الجبال وتسلق الطوابع والتزلج على الجليد! .
_ ماطموحك في المستقبل ؟ عالم في دراسات انفلونزا الطيور.
_ ماذا تريد أن تكون في المستقبل ؟ اعلامي ناجح يتقبله الجمهور.
_ ايش البرامج اللي قدمتها في قناة المجد ؟ فعاليات الصيف , شعبيات , هنا الرياض , بواري , مطبات .
_ من هو قارئك المفضل ؟ ماهر المعيقلي حفظه الله .
_ عبد المجيد تسمع أغاني ؟ لا ولله الحمد وأغتنم الفرصة لأنصح كل من يسمعها بتركها وسيبدل الله سيئاته حسنات.
_ البنت اللي في دمعتي اليتيمة أختك ؟ لا هي من سوريا .
_ فيصل الرميحي أبوك ؟ وشلون يصير أبوي وهو الرمييحي وأنا الفوزان! شكلك راسب بالقواعد.
_لك برنامج بعد العيد ؟ بإذن الله .
_وين مكانك بالفصل؟ بمكان الاستاذ لأني شاطر.
_ تصدق يا عبد المجيد إن شغالتنا تتابع مطبات ؟ أجل فيه خطة يصير مطبات بالأندونيسي علشان شغالتكم.
_هل ستحظر لكشتات 4؟ احتمال نعم اذا ماانشغلت.
_ يقربلك الشايب اللي في مطبات ؟ لا
_ يقربلك اليمني ؟ لا
_ البنت اللي في مطبات تقربلك ؟ لا
_ ايش اسم البنت اللي في مطبات ؟ رنيم.
_ سمعنا انك يتيم هل هذا صحيح ؟ لا الحمد لله الوالد والوالدة موجودين الله يحفظهم ويعطيهم طولة العمر.
_ ليه تصيح بخلف كواليس مطبات ؟ ســـــــــــــر الطبخة.
_ليه تختار الأدوار الحزينة ؟ المخرج عاوز كده.
_ وش علاقتك بالأستاذ وليد الزويد ؟ كان مدرسي بالمتوسطة.
_ماترتيبك بين اخوانك ؟ الثاني .
_وش اسم أخوك الكبير ؟ صالح .
_ عندك خوات ؟ عندي اخت وحدة عمرها سنتين.
_وش قسمك ؟ أدبي .
_ ليش دخلت أدبي؟ أحس انه الأقرب الى قلبي بس لا تضنون اني دخلته عشان شي ثاني.
_ ايش أصعب موقف مر عليك في مطبات؟ يوم أصيح خلف الكواليس , لــــــــــــــــكن ســــــــــــر الطبخة.
_ جزاك الله خير على ساعد أهلك ترضي ربك ولدي صار يقلدك ؟,, بس فيه ناس يدعون علي لأن صحونهم تكسرت!!
_ وش ناوي تدخل كلية؟ ان أعطان الله طولة العمر ان شاء الله كلية الإعلام.
_ لك برامج بعد العيد ؟ بإذن الله .
_ سمعنا ضحكة شاعر اللي في مطبات ؟ هوع هوع هوع هوع
_ليش ماعلمت أمك ان أبوك بيعرس ( بمطبات ) ؟ خلني آخذ اللي أبي من أبوي وبعدين أعلمه.
_ تركي الحساني من أي مدينة ؟ من الطائف.
_وش راي والدينك بوضعك الإعلامي ؟ هم بعد الله أول من شجعني وهم من أخرجني بهذه الصورة بسبب متابعتهم لي دائما.
_وشلون تضبط الصياح ؟ ســـر الطبخــــة.
_وش شعور أمك وهي تشوفك تصيح؟ الكل يعرف قلب الأم.
_تتابع مطبات والا لا ؟ نعم أتابعه ولا أفوت ولا حلقة.
_وش شعورك وأنت تشوف نفسك بمطبات ؟ أتمنى انه ينال على رضاكم وأستفيد من أخطائي حتى أتفاداها.
_عبد المجيد متى جاك مرض السكر لأن أختي جاه وهي عمره 4 سنين الله يشفيك؟ جاني وأنا عمري 5 سنين الله يشفي أختك.
_أنت راضي بمستواك الإعلامي ؟ اذا كان مرضيكم مرضيني.
_ يقربلك الشيخ عبد العزيز الفوزان ؟ نعم , ولد عم الوالد.
_ ليش أناشيدك قليلة بقرية الثمامة مع ان صوتك حلو ؟ ليست قليلة وان كانت قليلة لانشغالي بتصوير مطبات.
_ليه ماحضرت الحفل الختامي لفعاليات الصيف ؟ لانشغالي مع الأهل.
_ من وين أنت ؟ من القصيم الحبيــــــــــــبة بس ساكن في الرياض.
_ ليش نحفت ؟ شكرا شكرا .
والسلام عليكم ورحمة الله وبركاتة